-Foljet gjysmëndihmëse filloj, nis, zë përdoren për të shprehur fillimin, vazhdimin, mbarimin e veprimit të emërtuar nga folja që vjen pas dhe që është themelorja: Hëna e bukur sapo filloi të dilte. E mori djalin dhe nisi t`i lëmonte flokët. Ai vazhdoi të vraponte edhe më tej. Iliri nuk pushonte së foluri. -Në tri rastet e para, folja gjysmëndihmëse ndiqet nga lidhorja e foljes themelore.Në rastin e katërt (pushoj) folja gjysmëndihmëse ndiqet nga një formë e ngurosur e tipit së foluri, së ngrëni etj. -Duhet pasur kujdes, kur foljet gjysmëndihmëse filloj, nis, zë janë në të kryerën e thjeshtë folja në lidhore që vjen pas, mund të jetë në të pakryerën ose në të tashmen, p.sh: 1.Ai filloi të ngjitet me kujdes nëpër shkëmbinjtë e puthitur e të mbuluar me myshqe. 2.-Ja, ja filloi të ngjitet! Po ngjitet te shkëmbi. -Është në të pakryerën kur folja themelore tregon një veprim që është kryer para çastit të ligjërimit.Është në të tashmen , kur folja themelore tregon një veprim që vazhdon të kryhet edhe në çastin e ligjërimit. -Foljet gjysmëndihmëse së bashku me foljet që vijnë pas formojnë kallëzuesin e përbërë në fjali.